ghost_love جامد فى مواضيعه
احترام قوانين المنتدى : الـمـشـاركـات : 16 العمر : 33 نقاط : 10426 السٌّمعَة : 12 الجنس : علم بلدك : الى من احب لايحب من بعدى ابدا والى من تحب انت فلا تختار الى من احببك
| موضوع: جزئ ثانى من رباعيات صلاح جاهين الجمعة 30 يوليو 2010, 12:32 pm | |
| شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!!
أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !!
إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !!
إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!!
سنوات وفايته عليا فوج بعد فوج واحدة خدتني ابن والتانية زوج والتالتة أب خدتني .. والرابعة ايه ايه يعمل اللي بيحدفه موج لموج
ووعجبي
يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!!
علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !!
إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !!
نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!!
- يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!!
وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!!
الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي !!
أيوب رماه البين بكل العـــــــــلل سبع سنين مرضان وعنده شلل الصــــبر طيب .. صبر أيوب شفاه بس الأكـــــــــاده مات بفعل الملل عجبي !!!
نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي !!!!
كروان جريح مضروب شعاع م القمر سقط من السموات فؤاده انكســـــــــر جريت عليه قطه علشان تبلعـــــــــــه أتاريه خيال شعراء و مالهـــــوش أثر عجبي !!!
ياللي نصحت الناس بشــــــــــــــرب النبيت مع بنت حلوه .. وعود , وضحك , وحديت مش كنت تنصحهم منين يكســــــــــــــــبوا تمن ده كله ؟ ... و الا يمكن نســـــــــــيت عجبي !!
ما حد في الدنيا واخد جزاتــــــــــــــــــه و لا حــــــــــــــــد بيفكر في غير لذاذاته ما تعرفيش يا حبيبتي .. أنا و انتي مين؟ إنتي عروس النيل ... و أنا النيل بذاته عجبي !!
رقاصه خرسا و رقصه من غير نغــم دنيا . . يا مين يصالحها قبل النـــــدم ساعتين تهز بوجههـــــــــــــــا يعنـي يترجرجوا نهديها يعني نعـــــــــــــــم عجبي !!!
إخطفني ياللي تحبني ع الحصان الدنيا قالت يوم في ماضي الزمان إخطفني ياللي تحبني ع الـــــفرس الدنيا قالت .. قام خطفها الشيطان عجبي !!!!
من بين شقوق الشيش و شقشقت لك مع شهقة العصافير و زقزقـــــــت لك نهار جديد انا . . قوم نشوف نعــمليه انا قلت يا ح تقتلني .. يا ح اقــــــــتلك عجبي !!!
جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي !!! | |
|
Boody Lover عضو فعال
احترام قوانين المنتدى : الـمـشـاركـات : 55 العمر : 34 نقاط : 10542 السٌّمعَة : 10 الجنس : علم بلدك :
| موضوع: رد: جزئ ثانى من رباعيات صلاح جاهين السبت 31 يوليو 2010, 3:04 am | |
| التوبك جااااااااااااااااامده جدا منتظرين منك المزيد
| |
|
ghost_love جامد فى مواضيعه
احترام قوانين المنتدى : الـمـشـاركـات : 16 العمر : 33 نقاط : 10426 السٌّمعَة : 12 الجنس : علم بلدك : الى من احب لايحب من بعدى ابدا والى من تحب انت فلا تختار الى من احببك
| موضوع: رد: جزئ ثانى من رباعيات صلاح جاهين السبت 31 يوليو 2010, 5:49 pm | |
| | |
|
ساره على Admiйistгaтoг
احترام قوانين المنتدى : الـمـشـاركـات : 357 العمر : 41 نقاط : 13877 السٌّمعَة : 142 الجنس : علم بلدك :
| |
ghost_love جامد فى مواضيعه
احترام قوانين المنتدى : الـمـشـاركـات : 16 العمر : 33 نقاط : 10426 السٌّمعَة : 12 الجنس : علم بلدك : الى من احب لايحب من بعدى ابدا والى من تحب انت فلا تختار الى من احببك
| موضوع: رد: جزئ ثانى من رباعيات صلاح جاهين الأحد 01 أغسطس 2010, 9:01 pm | |
| | |
|
Mxawy Admiйistгaтoг
احترام قوانين المنتدى : الـمـشـاركـات : 993 العمر : 39 نقاط : 18861 السٌّمعَة : 480 الجنس : علم بلدك :
| موضوع: رد: جزئ ثانى من رباعيات صلاح جاهين الثلاثاء 21 سبتمبر 2010, 1:57 am | |
| بجد توبيك شديد اخر حاجه تسلم ايدك يا جميل | |
|