ايه معنى الصداقة بين البنت والولد

:بسماللهالرحمن:

السلام عليكم ورحمة الله وبركاتة
فى الحقيقة دى اول مشاركه ليه وارجو ان موضوعى ينول اعجابكم
انا عاوزه اسال سؤال وكل واحد يجاوبه فى نفسه ايه معنى الصداقة بين البنت والولد وقبل ماحد يجاوب
انا عايزه اقول ان فى راى مفيش حاجة اسمها صداقه بين بنت وولد وحقول الاسباب
الصداقه معناها انك تحكى وتشكى همومك واحزانك لصديقك وتحكى كمان اسرارك وال فى قلبك ممكن
اعرف بقى البنت هتحكى للولد ايه حتقوله اسرارها ولا مشاكلها ولااحساسها
صدقونى هيفضحها فى اقرب فرصة لان مفيش ولد شرقى بيفهم الصداقة بمعناها
وصدقونى لو سالتى ولد ترضى ان تكون اختك لها اصدقاء ولاد طبعا حيقول لاء
ولو قال نعم تاكدى انه كذاب ولو كان صادق يبقى انسان معندوش نخوه ولا
رجوله
وفى النهاية انا م حطول عليكو بس قبل ما اسيبكو عاوزه اقول لكل بنت ياريت تحافظى على نفسك
ومتحطيش اخوكى او ابوكى فى موقف يحرجه ومتثقيش فى اى ولد مهما كان وعاوزه
اقول لكل ولد اتقى الله وعامل كل بنت تقابلك ذى متحب ان يعامل الشباب
الاخرين اختك واعلم انه كما تدين تدان
واشكركم على سعة صدركم

كلامك صح
بجد انتى صح ..
بس مش كل الشباب زى بعض

مش معنى انى اعرف واحده وتبقى صديقتى
انى لما اعرف اسرارها فى اول مشكله افضحها
لا ياريت البنات تفهم الشباب ....

انتى عارفه ان لما الشاب بيصاحب بنت بيتعود على الادب !!!!
لكن لما يصاحب شاب يتعود على قلة الادب ... !!!
فكرى فى الكلام هتلاقيه صح

وبعدين مش شرط ان فى شاب عمل كده
يبقى كل الشباب كده ... !!

بالعكس فى شباب كتير جدا محترمين
بيحفظو السر

وعلى حد كلامك ..
ان البنت مهما كانت طبيعة العلاقه بنها وبين الشاب مش هتحكيله
كل اسرارها ... !! لكن لو هى عارفه انو امين وانسان محترم
هتحكيله على كل اسرارها
بالظبط زى ما الولد هيتعامل معاها ..

على العموم فى شباب كتير تستحق الصداقه
وفى شباب اكتر

لا تستحق الحياه اصلا

تـــحـــيـــاتـــى لــــكــــى عـــزيـــزتـــى

الموضوع حلو اوى وطبعا صح
بس ساعات كتير مش بيبقى فى اصحاب بنات بجد للبنت يمكن ياسارة بيفشوا اسرارها
اكتر من الولد وبالتالى هى محتاجه اصدقاء قريبن ليها
فبيكون الولد هو صديقها وممكن يكون اقرب ليها من اهلها بيسمعها
ويحللها مشاكلها

بس اقوللك مهما كان بينهم الصداقه ديه مش بتدوم

بيجى يوم وتنتهى مهما طال وقتها
جزاكاللهخير

لا يا نونه ممكن الصداقه تفضل على طول

طول ما نوع الصداقه محترم

واكتر من انها تدوم بتبقى لذيذه

يعنى مثلا ...

انا ايم المعهد كان عندى اصدقاء بنات كتير

مفيش منهم غير هى واحده بس اللى لحد الان

بتكلمنى وتسأل عليه وتحكيلى مشاكلها

وديه مش شويه انا مخلص المعهد من 4 سنين

ولحد دلوقتى لسا بنكلم بعض

ولما بيكون فى فرصه بنتقابل

مش معنى ان الوقت اللى كان فى الصداقه موجوده انتهى

معنى كده ان كل شئ انتهى وراح لحاله

لالالا ده مش ممكن ...

مع انها متجوزه بس عشان كان بيننا
" عيش وملح "

فى يوم من الايام ..

انا حبيت اقول على التجربه ديه علشان اثبت كلامى مش اكتر

مـــــيـــــرســــى على الاهتمام

تقبلو مرورى

<ضيف خفيف>
شكرا لكم

انت كمان كلامك صح طلاما فى صداقه محترمه
بس ده حيحدث مع القله وطبعا لو هى قايله لخطيبها او زوجها عنك وهو

يكون فاهم ومتقبل وكمان غير كده مشاكل الحياة كتير بتاخد الواحد
من اهله وعلى الرغم اكيد انت وصديقتك علاقتكم غير ايام المعهد

شكراا لردك

Thank You

الاهم اننا نعرف معنى الصداقة مش شرط بين مين ومين بس الاهم انها تكون صداقة حقيقية .هل فيه صداقة حقيقية :?:

اكيد طبعا فى صداقه حقيقيه ...

لو انتى دورتى حواليكى هتلاقى ان فعلا فى صداقه حقيقيه ...

تقبلو مرورى

:البيتبيتك:

ايه معنى الصداقة بين البنت والولد M!ss%20LoLo

[quote][/quote]

انا من رائى ان الصداقه بين البنت والولد مش وحشه بس تكون صداقه خاليه من اى شىء وبعدين اى صداقه سواء ولد وولد واو ولد بنت بنت وبنت مش بدوم بمجرد ما طرف من الاطراف بيحب او يجوز او ينخطب العلاقه بتقل تدريجيا الى ان تتلاشا لغايه ما يقبلو بعض صدفه ويفكرو بعض با لذكريات

اكيد طبعا فى صداقه حقيقيه

وفى حاجات اجمل من الصداقه بتيقى موجوده بين البنت والولد

والبنت بتقدر تحكى حاجات للولد متقدرش تحكيها لحد تانى

لان غالبا البنات لما بتحكى لبعض اول ما يزعلو واحده بتفضح التانيه

عشان كده بنات كتير تفصل صداقة الشباب افضل من البنات

لكن مش كل الشباب ومش كل البنات

ومش اى علاقه بين ولد وبنت

تــســمــى صــداقــه

مشكوره اختى

ميرسىى::